Azərbaycanda qazdoldurma stansiyaları tikiləcək

“Dövlət Neft Şirkəti Azərbaycanda qazdoldurma stansiyaları tikmək istəyir”. Bu sözləri Dövlət Neft Şirkətinin iqtisadi məsələlər üzrə vitse-prezidenti Süleyman Qasımov bildirib. Onun sözlərinə görə, bununla əlaqədar “Azəriqaz” və “Mayeqaz” şirkətlərinin birgə müəssisəsi təsis edilib: “Artıq bu müəssisə formalaşmaq üzrədir. SOCAR tərəfindən Gürcüstanda mayeqazın yanacaqdoldurma məntəqəsində satışı təcrübəsi aparılıb. Bu iqtisadi cəhətdən sərfəlidir. Böyük şəhərlərdə artıq benzindən deyil, maye qazdan istifadə edilir. Gələcəkdə ictimai nəqliyyatda ucuz yanacaqdan istifadə edilərsə, bu həm insanlar, həm də şirkətlər üçün sərfəli olar”.