Azərbaycandan BMT-yə hesabat: PKK terrorçularını yunan təyyarələri daşıyıb

Şiddətli döyüşlər nəticəsində işğal altındakı torpaqlarını azad edən Azərbaycan dəfələrlə Ermənistan tərəfində əcnəbi terrorçuların döyüşməsinə diqqət çəkib. BMT-yə təqdim olunan hesabatda isə PKK terrorçularını Qarabağa yunan təyyarələrinin apardığı vurğulanıb.

TED.az xəbər verir ki, bu barədə Türkiyə mediasında da məlumat yayılıb. 

Xəbərdə bildirilir ki, Azərbaycanın Birləşmiş Millətlər Təşkilatındakı daimi nümayəndəsi Yaşar Əliyev BMT Baş Katibinə 18 noyabr tarixində məktub göndərib. Məktubda bu məsələ hərtərəfli təhlil olunub. Məktubda işğal olunmuş ərazilərdə qanunsuz yerləşdirilmiş erməni qüvvələrinin və terror qruplaşmalarına cəlb olunmuş xarici vətəndaşların siyahısı, aldıqları ödənişlərlə bağlı fotolardan ibarət dəlillərin olduğu vurğulanıb.

Bildirilib ki, işğal olunmuş ərazilərdə Azərbaycana qarşı müharibəyə hazırlaşmaq üçün PKK və ASALA terror təşkilatlarının əmri ilə Ermənistan tərəfindən təlim düşərgələri yaradılıb.