Badamdar avtomobil bazarında sıxlıq yaranıb – VİDEO

Sosial şəbəkələrdə yayılan görüntülər Badamdar maşın bazarında yaranmış sıxlığı gündəmə gətirib.

Avtosfer.az xəbər verir ki, paylaşılan kadrlarda satışa çıxarılan avtomobillərin uzun-uzadı sıralandığı, bazarın demək olar ki, tam dolu olduğu görünür. Görüntünü çəkən şəxs bildirir ki, təkcə Badamdar deyil, Sumqayıt maşın bazarında da vəziyyət eynilə bu cürdür. Həm alıcı, həm də satıcı sayında ciddi artım müşahidə olunur.

O qeyd edir ki, saatın gec olmasına baxmayaraq satışlar davam edir və maraqlananların sayı azalmır. Avtomobillərin qiymətlərinin qısa müddətdə kəskin şəkildə bahalaşdığını, bəzi modellərin əvvəlki həftə ilə müqayisədə belə xeyli yüksəldiyini söyləyirlər.

Mütəxəssislər qiymət artımını, ikinci əl bazarında aktivliyin artması ümumi tələbin yüksəldiyini göstərir.

Sürücülər isə ümid edirlər ki, bazardakı vəziyyət stabilləşəcək və qiymətlərdəki süni artıma qarşı nəzarət gücləndiriləcək.

Eltac Zülfüqaroğlu