Bakı-İstanbul qatarının yola düşəcəyi vaxt bəlli oldu - VİDEO

 “Bakı-Tiflis-Qars” dəmir yolu 2016-cı ildə istifadəyə veriləcək. Avtosfer.az anstv-yə istinadən xəbər verir ki, Türkiyədə yaşanan son hadisələr “Bakı- Tiflis- Qars” layihəsindən də yan keçməyib. Baş verənlər Prezident İlham Əliyevin diqqət mərkəzindədir. Hətta ölkə başçısının birbaşa göstərişi ilə, Türkiyəyə yollanan baş nazirin müavini Abid Şərifov hökümət nümayədələri ilə görüşüb. Həmin görüşün təfərrüatlarını və “Bakı -Tiflis -Qars” dəmiryolu barədə son məlumatları haqqında TRASEKA-nın Azəraycan üzrə milli katibi, Akif Mustafayev ANS-ə eksklüziv açıqlayıb: “Son günlər Türkiyədə baş verən terror hadisələri orada gedən bəzi işlərin ləngiməsinə səbəb oldu. Bunun üçün də bu ilin sonuna kimi söz verilən “Bakı-Tiflis-Qars” kəməri işə düşə bilməyəcək. Bu açılışın 2016-ci ilədə olması planlaşdırılır”.

Akif Mustafayev həmçinin Abid Şərifovun Türkiyə baş naziri Əhməd Davudoğluilə görüşündən də danışıb. Onun xəbərinə görə, nazirlərin də iştirak etdiyi görüşdə müəyyən olunub ki, Türkiyədə noyabr ayında baş tutacaq Parlament seçkilərindən sonra işlər daha da aktivləşəcək. 

Bakı-Tbilisi-Qars dəmir yolu xəttinin təməli 2007-ci ildə Gürcüstanın Marabkəndində qoyulub. Dəmiryolu vasitəsi ilə Azərbaycan beynəlxalq nəqliyyat dəhlizlərinə və Türkiyəyə birbaşa gediş əldə edəcək. Dəmiryolu ilə bir günə Qarsa və İstanbula isə iki gün yarıma getmək mümkün olacaq. Bakı-Tbilisi-Qars dəmiryolu Bakı-Tbilisi-Ceyhan boru xəttindən sonra Azərbaycanın iqtisadiyyatını daha da inkişaf etdirəcək.