Bakı metrosundan istifadə edənləri sevindirəcək qərar

Sabah Bakı Metropoliteni gecə saat 1-ə qədər işləyəcək. Avtosfer.az xəbər verir ki, bu barədə Bakı Metropolitenin mətbuat xidmətinin rəhbəri Nəsimi Paşayevin baku.ws-ə verdiyi məlumata görə, bununla bağlı "Qarabağ” futbol komandası Bakı Metropoliteninə müraciət edib.

"Müraciət metronun bağlanış saatının artırılması ilə bağlıdır. "Qarabağ” komandasının sabah "Anderlext” klubu ilə keçirəcəyi oyun gecə saat 12-də bitəcək. Komanda metronun işləmə vaxtının saat 1-ə qədər uzadılmasını xahiş edib. Bakı Metropoliteni onların xahişini nəzərə alaraq sabah keçiriləcək "Qarabağ”-"Anderlext” qarşılaşması ilə əlaqədər metro gecə saat birə qədər işləyəcək”, - deyə Nəsimi Paşayev bildirib.