Bakıda avtoservisdə təmir edilən avtomobil oğurlanıb

Bakıda avtoservisə verilmiş avtomobil oğurlanıb. Avtosfer.az xəbər verir ki, bu barədə “report”a Bakı Şəhər Baş Polis İdarəsinin (BŞBPİ) mətbuat xidmətindən məlumat verilib.

Məlumatda bildirilib ki, Binəqədi Rayon Polis İdarəsinin (RPİ) 6-cı Polis Bölməsi (PB) əməkdaşlarının keçirdikləri əməliyyat-axtarış tədbirləri nəticəsində, M.S.Ordubadi küçəsində yerləşən avtoservisdə təmirdə olan, Bakı şəhər sakini Zöhrab Hüseynova məxsus “Toyota Corolla” markalı avtomobili qaçırmaqda şübhəli bilinən Astara rayon sakini, 1994-cü il təvəllüdlü Rafik Cəlilov müəyyən olunaraq tutulub.

Faktla bağlı araşdırmalar davam etdirilir.