Bakıda bəzi avtobus xətlərinə dəyişiklik edildi

Bakıda 6 və 8 saylı marşrut yeni avtobus marşrutları fəaliyyətə başlayıb. Nəqliyyatı İntellektual İdarəetmə Mərkəzindən Avtosfer.az-a verilən məlumata görə, 6 saylı marşrut avtobusunun hərəkət cədvəli – “Azadlıq” metro st. – Ak.H.Əliyev küç. – Tbilisi prospekti – Lider televiziyası – “Elmlər Akademiyası” metro st. – “İçərişəhər” metro st. – 20-ci sahə olacaq. 8 saylı marşrut avtobusu: “Azadlıq” metro st.dan – Səməd Vurğun küçəsi – Heydər Əliyev sarayı – “28 may” metro stansiyasına qədər hərəkət edəcək. Hərəkət istiqaməti Şəhidlər Xiyabanı – “Elmlər Akademiyası” metro st. – “Koroğlu” parkı – “Gənclik” metro st. – “N.Nərimanov” metro st. – Montin bazarı olan əvvəlki 6 saylı marşrut avtobusu 63 nömrəsi ilə əvəzlənib.

Yəni əvvəlki 6 saylı marşrut avtobusu artıq 63 saylı marşrut adı ilə sərnişinlərə xidmət göstərir.

***

“Baku Bus” MMC-nin 6 və 8 saylı marşrut avtobuslarının fəaliyyətə başlaması ilə əlaqədar olaraq, sabahdan etibarən bəzi marşrut avtobuslarının istiqamətlərində dəyişiklik ediləcək. “Bakı Sərnişin Nəqliyyatı və Yük Daşımalarının təşkili” MMC-dən verilən məlumata görə, 88 saylı marşrut avtobusu əvvəl Azadlıq prospektindən 20-ci sahə istiqamətində hərəkət edirdisə, sabahdan etibarən isə Azadlıq prospektindən 28 may metrostansiyasına kimi fəaliyyət göstərəcək. Həmçinin, 37 saylı marşrut avtobusu əvvəllər Avtovağzal- İçərişəhər m/s – 20-ci sahə istiqamətində fəaliyyət göstərirdisə, indi Avtovağzaldan İçərişəhər m/s-na kimi hərəkət edəcək. 13 saylı marşrut avtobusu isə fəaliyyətini dayandırır.

Qeyd edək ki, 13 saylı marşrut avtobusu 7-ci mikrorayon –Həsən Əliyev küç. – Tbilisi pr. – Elmlər Akademiyası m/st istiqamətində fəaliyyət göstərirdi. İndi isə, bu marşrut xəttini Baku Bus MMC-yə məxsus 6 saylı marşrut avtobusu əvəz edib. Qeyd olunan dəyişikliklər 6 oktyabr 2015-ci il tarixindən qüvvədə olacaq.

Elmin