Bakıda binanın həyəti avtomobil dayanacağına çevrilib - VİDEO

Gərgin iş gününün sonunda hər bir avtomobil sahibi evə qayıdarkən sadə bir arzu ilə yaşayır. Bu, avtomobilini evinin yaxınlığında problem yaşamadan park etməkdir.

Avtosfer.az “Baku.ws”a istinadən xəbər verir ki, Bakı şəhəri Yasamal rayonu, Həsənbəy Zərdabi küçəsi 17/51 ünvanında yerləşən binanın sakinlərini bu hislərdən məhrum olublar.

Sakinlər bildirirlər ki, onların həyəti avtomobil biznesi nümayəndələri tərəfindən faktiki olaraq zəbt olunub.

Sakinlərdən birinin sözlərinə görə, artıq beş ildir ki, həyət bağlanmış bir avtomobil icarəsi şirkətinə məxsus avtomobillərin saxlandığı və satış məqsədilə istifadə olunan əraziyə çevrilib. Həmin şirkət fəaliyyətini dayandırsa da, təxminən 30 avtomobil hələ də həyətdə qalıb. Bu da sakinlərin hərəkətini çətinləşdirir və onların şəxsi avtomobillərini park etməsinə imkan vermir.

Sakinlər Azərbaycan Respublikasının hüquq-mühafizə orqanlarından vəziyyətə müdaxilə etmələrini və həyətin qanunsuz şəkildə yerləşdirilmiş avtomobillərdən azad olunmasına yardım göstərmələrini xahiş edirlər.