Bakıda daşla dolu “KamAZ” oğurlandı

Dünən gecə Bakının Qaradağ rayonunda qəribə oğurluq hadisəsi baş verib. Bu barədə Şəmmədov Samir adlı vətəndaş anspress-ə məlumat verib. Verilən məlumata görə, Lökbatan qəsəbəsində qohumu Xəyyam Baycanova məxsus yük maşını qaçırılıb. Belə ki, “KamAZ” markalı, 15 BD 028 dövlət nömrə nisanlı yük maşını oğurlanıb. Yük maşını daşlarla dolu olub. Avtomobil sahibi avtomobilin itməsilə bağlı polisə də şikayət edib. Yük maşınının tapılması üçün axtarış-əməliyyat tədbirlərinə başlanılıb.