Bakıda «Mersedes»lərin törətdiyi qəzaların VİDEOsu

Avtosfer.az saytı Bakıda baş vermiş bir neçə yol qəzasının videosunu təqdim edir. Baş Dövlət Yol Polisi İdarəsindən əldə etdiyimiz videolarda «Mersedes» markalı avtomobillər tərəfindən törədilən yol qəzaları əksini tapıb. Birinci qəzada «Mersedes»in yolun hərəkət hissəsində düzgün manevr etməməsi «Jeep»lə toqquşmaya səbəb olur. Zərbənin təsirindən «Jeep» idarəetmədən çıxaraq başqa bir avtomobilə çırpılır.

Növbəti qəza Babək prospektində baş verib. Bu dəfə «Mersedes»in sürücüsünü günahlandırmaq doğru olmazdı. Çünki «Mersedes» birinci zolaqda düzünə hərəkət etmək istəyərkən ikinci zolaqdan hərəkət edən «Jeep» qəflətən onun qarşısından sola dönməyə çalışır. Özü də dönmə əməliyyatı zamanı solda olan «Mersedes»ə əhəmiyyət vermir. Nəticədə hər iki avtomobil toqquşaraq səkinin üstünə çıxır.

Növbəti qəzada isə «Mersedes» sürətlə hərəkət etdiyi üçün svetaforda dayanan digər minik maşınına arxadan çırpılır.

Avtosfer.az