Bakıda süni intellektlə idarə olunan piyada keçidləri olacaq? - AÇIQLAMA

Bakıda nizamlanmayan bəzi piyada keçidlərində piyadaların axını kəsilmir və nəticədə sürücülər dəqiqələrlə keçiddə piyadaların keçməsini gözləməli olurlar. Bu səbəbdən belə keçidlərdə ya peşəkar nizamlayıcı, ya da işıqfor quraşdırılmalıdır ki, həm sürücülərin narazılığı azalsın, həm də yol hərəkətinin təhlükəsizliyi və axıcılığı təmin edilsin.
Avtosfer.az-ın məlumatına görə, mövzu ilə bağlı Redaktor.az-a açıqlama verən nəqliyyat eksperti Rauf Ağamirzəyev bildirdi ki, müasir şəhərlərdə yol hərəkətində iştirak edənlər arasında ən üst pillədə piyada durur və şəhər də piyadaya uyğun qurulmalıdır:
"Mövcud hərəkət iştirakında da piyadanın üstünlüyü təmin olunmalıdır. Yəni piyada səkiləri rəvan, baryersiz və qısa keçidli olmalıdır. Axına uyğun olaraq nizamlanmayan və ya nizamlanan, işıqforlu idarə olunan keçidlər, həm düyməli, həm də adi işıqforlarla axınlar nizamlanmalı və piyadanın qısa, rahat, rəvan keçidləri təmin edilməlidir. Bu axınların təhlili Nəqliyyatı İntellektual İdarəetmə Mərkəzi tərəfindən aparılır və düşünürəm ki, müasir dünyanın yeni texnologiyalarından, yəni süni intellektlə idarə olunan, ağıllı kameralarla işləyən sistemlərlə bunu daha optimal həll etmək mümkündür. Ümumi olaraq, şərait nə qədər çox yaradılırsa, insanların hərəkət növlərinə meyili bir o qədər artır. Yəni insanlar gördükcə ki, burada şərait var, yol rəvandır, piyada səkisi var və bu şəraitdə hərəkət edirlər. Piyada səkisinin yanında onun qısa keçidləri də olmalıdır. Yəni piyada uzun məsafə qət etməməlidir. Həmçinin, azmobilliləri də nəzərə alaraq, bu fazalarda əlavə saniyələr qoyulur ki, yaşlılar, uşaqlar, xəstələr hərəkət edə bilsin. Yəni hamı sürətlə hərəkət etməyə bilər və buna görə də bu şərait nəzərə alınaraq qurulmalıdır".
İlham Əliyevin sosial şəbəkə hesablarına kiberhücumlar müşahidə olunur
Prezident İlham Əliyev televiziya və radio işçilərini təbrik edib
Prezident İlham Əliyev Mahmud Abbası təbrik edib
“Kəndlərdə əkin-biçin sahəsi qalmayıb, hamısı...” – Ekspert tıxacların səbəbindən danışdı
ABŞ və müttəfiqləri Çinin Yaxın Şərqdəki məsələlərdə vasitəçi olmasını niyə istəmir? – POLİTOLOQ
Prezident İlham Əliyevin İrlandiyaya işgüzar səfəri başa çatıb
Braziliyada rus dizelinə maraq göstərilmədi
Dublin görüşünün pərdəarxası: Bakı və İrəvan hansı razılaşmalara yaxınlaşır? - RƏY
Avropa ilə yeni əməkdaşlıq, Ermənistanla sülh: Dublində nələr müzakirə olundu? – AÇIQLAMA
Azərbaycanın qaz ixracında yeni hədəf: Avropaya nə qədər qaz satılacaq?
Britaniya ilə əməkdaşlıqda yeni hədəflər: Azərbaycan Avrasiyanın tranzit mərkəzinə çevrilir? – ŞƏRH












