Bakıda təhlükəli avtodayanacaq- FOTO

Bakı Bulvarında, “Dalğa Plaza”nın yaxınlığındakı avtomobil dayanacağında qəribə elan vurulub. Oxuculardan birinin “Qafqazinfo”ya verdiyi məlumata görə, həmin dayanacağa nəzarət edənlər yalnız pul yığmaqla məşğuldur və onlar avtomobillərə nəzarət etmirlər. Hətta bu barədə elan da vurulub. Elanda yazılıb: “Avtodayanacaqda avtomobillərdən itən əşyalara və onlara dəyən ziyana görə avtodayanacaq məsuliyyət daşımır”. Vətəndaş isə “biz maşını saxlayandan sonra onun təhlükəsizliyindən ötrü avtodayanacaqda qalacağıqsa, onda heç bir çek, sənəd almadan 1 manatı niyə niyə veririk?” - deyə, sual edir.

Qeyd edək ki, avtodayanacağın “Dalğa Plaza”ya aid olduğu deyilir.