Bakıda veloyürüş keçiriləcək

Bakıda Gənclər Turizm İctimai Birliyi, “Sharkhead” Velosipedçilər Klubu və Azərbaycan Velosiped İdmanı Federasiyasının birgə əməkdaşlığı ilə “Veloşəhər” adlı layihəyə başlanılacaq. Layihənin məqsədi gənclərin asudə vaxtının səmərəli təşkili və sağlam həyat tərzinin təbliğidir. İctimai Birlikdən verilən məlumata görə, avqustun 23-də “World Business Center”də layihənin açılışı olacaq. Ertəsi gün “Velopark” ərazisində velotəlimlər təşkil ediləcək, avqustun 30-da təlim proqramına qatılan gənclərin iştirakı ilə Bakıda veloyürüş keçiriləcək. Avqustun 31-də isə velosərgi təşkil olunacaq və layihəyə yekun vurulacaq. AzərTAc