Bakıda yol çökdü - FOTOLAR

Bakının Dilarə Əliyeva küçəsində yol çöküb. Bu barədə “Facebook&rdrdquo; sosial şəbəkələrdə məlumat verilib. Məlumatda bildirilir ki, Dilarə Əliyeva küçəsində yolu su basıb. Asfaltın bir hissəsi tama dağılıb. Yolun çökməsi nəticəsində ərazidə olan avtomobillərin hərəkəti dayandırılıb. Yaranan çuxura düşən avtomobillər evakuatorun yardımı ilə çıxarılıb. Məsələyə aydınlıq gətirmək üçün “Azərsu” ASC ilə əlaqə saxladıq. Qurumun mətbuat xidmətinən rəhbəri Anar Cəbrayıllının ANS PRESS-ə verdiyi məlumata görə, hazırda mütəxəssislər hadisə yerindədirlər. “Həmin ərazidə 250 mm.-lik içməli su borusu deşilib. Bu barədə bizə saat 10:30-da məlumat verdilər. Hazırda özüm də hadisə yerindəyəm. “Azəryolservis”ə məlumat vermişik. Hazırda hadisə yerində əməkdaşlar çalışır. Problem bu gün həll olunacaq”, - deyə Anar Cəbrayıllı bildirib.