Bakının bu yollarında təmir işləri aparılır - VİDEO

Azərbaycan Avtomobil Yolları Dövlət Agentliyi Bakının Mətbuat prospektində və Əhmədbəy Ağaoğlu küçəsində təmir işləri aparır.

Avtosfer.az bu barədə agentliyə istinadən xəbər verir.

Məlumata görə, aparılan işlər çərçivəsində sözügedən ərazilərdə frezlənmə işləri yerinə yetirilib. Texnoloji ardıcıllığa uyğun olaraq qeyd olunan hər iki yolda hazırda yeni asfalt-beton örtüyünün döşənməsi icra olunur.

Sonda avtonəqliyyat vasitələrinin normal hərəkətinin təmin edilməsi üçün üfüqi nişanlanma xətlərinin çəkilişi və yeraltı kommunikasiya xətlərinin baxış qapaqlarının layihə hündürlüyünə qaldırılması işləri də icra olunacaq.