BakuBus avtobusunun vurduğu qadın xəstəxanada öldü - VİDEO

Xəbər verdiyimiz kimi, dünən saat 15.10 radələrində Səbail rayonu ərazisində - Yeni Salyan yolunda Gürcüstan vətəndaşı 1966-ci il təvəllüdlü Niyaz Qasımovun idarə etdiyi 90-JU-826 dövlət nömrə nişanlı 125 saylı xətt avtobusu ilə hərəkət edən BakuBus-a məxsus avtobus piyada keçidinin yaxınlığından yolu keçən yaşlı qadını vurub. Hadisə yerinə gələn polislər və vətəndaşlar yaralıya ilkin tibbi yardım göstərib. Daha sonra qadın xəstəxanaya aparılıb. Lakin yaralıya tibbi yardım göstərilməsinə baxmayaraq onun həyatını xilas etmək mümkün olmayıb. Bakı şəhər sakini 1962-ci il təvəllüdlü Təranə Zamanovanın ölümü ilə bağlı cinayət işi açılıb, araşdırma aparılır.

Emin