Bəzi azərbaycanlı sürücülər Rusiyaya buraxılmaya bilər – SƏBƏB 

Rusiya Federasiyasında yollarla bağlı yeni qaydalar qüvvəyə minib. 

Avtosfer.az xəbər verir ki, qaydalar əsasən pullu yollarda hərəkətin tənzimlənməsi və ödəniş qaydalarının təkmilləşdirilməsi ilə bağlıdır. Transonderli yük avtomobilləri üçün ödəniş avtomatik rejimdə həyata keçdiyi üçün “Açıq qapı” prinsipi tətbiq edilir. Nağd və ya bank kartı ilə ödəniş etmək istəyənlər isə girişdə dayanmalıdırlar. 

Kartında vəsait olmayan və ya ödəniş etməyən sürücülər də yola buraxılacaq. Lakin, bu zaman 5 gün ərzində rüsum ödənilməlidir. Ödəniş etməyən sürücülər cərimə olunacaq. Başqa ölkələrdən gələn yük avtomobilləri isə yol rüsumuna görə borcu olduğu təqdirdə federasiya ərazisinə buraxılmayacaq. 

Azərbaycandan da Rusiyaya yükdaşımaların intensiv olduğu dövrdə sürücülərin və nəqliyyat şirkətlərinin bunu nəzərə alması vacibdir.

Vüqar