Bir nömrəli sürücünün sənədlərini oğurladılar

Keçmiş Formula-1 pilotu, almaniyalı Mixael Şumaxerin uzun müddət müalicə aldığı xəstəxanada xəstəlik tarixçəsi oğurlanıb və satışa çıxarılıb. ANS-in Almaniyanın Bild qəzetinə istinadən verdiyi məlumatına görə, sənədləri oğurlayan şəxs onları alman, ingilis və fransız qəzetlərinə yayımlanması üçün təklif edib. Həmin şəxsin Şumaxerin xəstəlik tarixçəsi üçün 50 min avro tələb edib. Verilən məlumatlara görə, sənəddə alman pilotun xəstəxanada yatdığı müddətdə keçirdiyi bütün müayinə və əməliyyatlar öz əksini tapıb. Şumaxerin meneceri Sabina Kem sənədlərin yayımlanmaması üçün əllərindən gələni edəcəklərini bildirib. Mixael Şumaxeri ötən ilin dekabr ayında Alp dağlarında xizək sürərkən ciddi qəzaya uğramış və kəllə-beyin travması keçirmişdi. O, altı aya yaxın müddətdə komada qaldıqdan sonra bir neçə gün əvvəl özünə gələ bilib. Həkimlər Şumaxerin ömür boyu yataq xəstəsi qalacağını bildirir.