Bu avtobuslarda kondisionerlər niyə işləmir? - VİDEO

Bakıda köhnə avtobusların ənənəvi problemi hələ də davam edir.  Paytaxt ərazisində kondisioneri olmadan sərnişindaşıma ilə məşğul olan bəzi nəqliyyat vasitələrinə yenə rast gəlirik.bu isə sərnişinlərin  narazılığına səbəb olur. Bəs bu problem nə vaxt həll olunacaq? Məsələyə aidiyyəti qurum da münasibət bildirib.

Bəzilərində var, bəzilərində isə yox. Havaların isinməsi ilə birlikdə avtobuslardakı  kondisioner problemi yenidən gündəmə gəlib...İstər şəhərdaxili istərsə də kənd və qəsəbələrə sərnişindaşıma ilə məşğul olan köhnəlmiş nəqliyyat  vasitələrinin əksəriyyətində kondisioner yoxdur. Sərnişinlər deyirlər ki, bu problem isti havalarda onlara üçün dözülməz vəziyyət yaradır. Sürücülər çıxış yolunu xəttə yeni avtobusların buraxılmasında görürlər... Bakı Nəqliyyat Agentliyinin mətbuat katibi Mais Ağayev isə bildirib ki, Bakıda avtobus parkının yenilənməsi ilə bağlı daşıyıcı şirkətlərə tapşırıq verilib. Sərnişinlər problemin həll olunacağı vaxtı səbirsizliklə gözləyirlər.