Bu istiqamətlərdə avtobuslar gecikir

Hazırda H.Əliyev prospekti şəhər mərkəzi istiqaməti kənar yolda nəqliyyat vasitələrinin hərəkətində tıxac müşahidə olunur.

Avtosfer.az xəbər verir ki, bu barədə Bakı Nəqliyyat Agentliyi (BNA) məlumat yayıb. Bildirilir ki, sıxlıq səbəbindən “Koroğlu” Nəqliyyat Mübadilə Mərkəzindən şəhər mərkəzi və digər istiqamətlərdə marşrut avtobusların hərəkətində çətinliklər yaranıb.

Mərkəzi Dispetçer Xidmətinin məlumatına əsasən, 1 nömrəli xətt üzrə 6, 13 nömrəli xətt üzrə 6, 38 nomrəli xətt üzrə 6 ədəd , M2 xətti üzrə 1 ədəd, M3 xətti üzrə 1 ədəd, M8 xətti üzrə 5 ədəd, M9 xətti üzrə 2, M10 xətti üzrə isə 3 ədəd olmaqla ümumilikdə 8 marşrut xətti üzrə 30 ədəd avtobus hazırda gecikmə ilə hərəkət edir.