Bu küçədə hərəkətin təşkilində nöqsan var: Sürücülər təhlükədədir - VİDEO

Paytaxtın Yasamal rayonu Cəfər Cabbarlı küçəsində hərəkətin təşkilində nöqsan var.

Avtosfer.az-ın məlumatına görə, sözügedən ərazidə çəkilmiş ox işarəsi sürücülərdə çaşdırır və ən pis halda qəza təhlükəsi yaradır. Belə ki, üçüncü və ən sol zolaqda çəkilmiş ox işarəsi hərəkətin düzünə və sola olduğunu göstərir. Nəticədə ən sol zolaqda hərəkətdə olanlar düzünə və həmin zolaqdan sağda olanlar sola dönmək istədikləri zaman təhlükə yaranır. Elə videodan da göründüyü kimi, görüntünü qeydə alan avtomobilin sürücüsü hərəkətdə olduğu zolaqdan sola dönmək istəyir. Lakin bu zaman ən sol zolaqda hərəkətdə olan 99-NN-131 dövlət nömrə nişanlı “Mercedes Viano” markalı və 90-TL-176 dövlət nömrə nişanlı “Volkswagen” markalı avtomobillərin sürücüləri düzünə hərəkət etdikləri üçün qəza riski baş verir.

Qeyd edək ki, sağ zolaqda düzünə və sola hərəkətə icazə verən ox olduğu üçün ən sol zolaqda yalnız sola hərəkəti göstərən ox işarəsi çəkilməli idi.

Nərmin