Bu küçədə tıxacdan qaçan sürücülər hər axşam yolu iflic edirlər - VİDEO

Paytaxtın Ağadadaş Qurbanov küçəsində, (Bakıxanov küçəsi istiqamətində) hərəkət zamanı günün axşam saatlarında xoşagəlməz mənzərə yaşanır. 

Bununla bağlı izləyicilərdən biri Avtosfer.az-ın “İnstagram” ünvanına videomaterial göndərərək ətraflı şəkildə məlumat verib.

Onun sözlərinə görə, sözügedən ərazidə hərəkətdə olan bəzi sürücülər tıxacda gözləməmək üçün birtərəfli yolda əks istiqamətə çıxırlar və süni şəkildə iki zolaqlı yol yaradırlar. Bir müddət sonra qarşı tərəfdən nəqliyyat vasitələrinin yaxınlaşdığını görəndə isə həmin sürücülər əsas hərəkət zolağına manevr edərək sıxlığı daha da artırırlar və digər sürücülərdən yol tələb edirlər.

Nəticədə yolun hərəkət qabiliyyəti azalır, tıxac daha da uzanır və sürücülər üçün ciddi çətinliklər yaranır. Şikayətçi bu halın demək olar ki, hər gün təkrarlandığını əlavə edib. 

Nərmin