Bu ölkədə qəzalarda ölənlərin sayı sıfıra endirilir

İsveç hökuməti bir neçə ildir ki, maraqlı bir proqram həyata keçirməkdədir. Proqramın məqsədi bu ölkədə yol-nəqliyyat hadisələrində ölənlərin sayını sıfıra endirməkdir. Bəziləri buna fantastik ideya kimi baxırlar, amma İsveç hökuməti əməlli-başlı irəliləyişlər edib. Ən başlıcası odur ki, bu ölkədə yol-nəqliyyat hadisələrində ölüm göstəricisi avtomobillərin sayı və s. şərtlər nəzərə alındıqda dünyada artıq ən yaxşı göstəricidir. Avtosfer.az-ın məlumatına görə, bu barədə məlumatı facebook sosial şəbəkəsində yol hərəkəti üzrə ekspert Ərşad Hüseynov paylaşıb. Bundan başqa, İsveç hökuməti xüsusi dövlət proqramı çərçivəsində istənilən yol-nəqliyyat hadisəsinin səbəblərini ayrıca araşdıran, hətta qəza törədənin ailə-məişət şəraitini, keçmişini araşdıran bir komissiya yaradıb. Bu komissiya istintaq-məhkəmə orqanlarına paralel olaraq araşdırma aparır. Komissiyanın tövsiyələrinə uyğun olaraq yol hərəkəti təhlükəsizliyinə dair konkret tədbirlər görülür.

Avtosfer.az