Bu şəxslərə taksi fəaliyyəti qadağan ediləcək

“Qanunvericiliyə edilmiş dəyişikliyə görə, ümumi istifadədə olan avtomobil nəqliyyatı ilə ölkədaxili sərnişin və yük daşımalarını yerinə yetirən sürücülər peşə fəaliyyətinə və davranışına, habelə iş və istirahət rejiminin xüsusiyyətlərinə, taksi minik avtomobillərinin sürücüləri isə etik davranış və avtomobil nəqliyyatı ilə sərnişin daşımalarını tənzimləyən aktlara dair xüsusi hazırlıq keçməlidir. Xüsusi hazırlığın nəticələrinin qiymətləndirilməsi Dövlət İmtahan Mərkəzi tərəfindən həyata keçiriləcək”.
Bəs imtahandan keçməyən taksi sürücülərinin aqibəti necə olacaq?
Avtosfer.az xəbər verir ki, mövzu ilə bağlı Sfera.az-a danışan nəqliyyat eksperti Elməddin Muradlı bildirib ki, imtahandan kəsilən sürücülər taksi sürücüsü kimi fəaliyyət göstərə bilməyəcəklər.
"Necə ki, qəbul imtahanlarından kəsildikdə ali təhsil müəsisələrinə qəbul ola bilmirik. Bu proses də onun kimidir. İmtahan yalnız sürücülük peşəsinə xas olan suallardan ibarətdir. Onların gündəlik iş prosesi, dil bilikləri, vətəndaşlarla ünsiyyət mədəniyyəti kimi sərnişindaşıma fəaliyyətində vacib elementlər burada öz əksini tapacaq. Suallar olduqca sadədir. Bu sualları cavablaya bilməyən insanların taksi sürücüsü olaraq fəaliyyət göstərməsi təhlükəlidir. Öz canımız və yaxud ailə üzvlərimizi belə sürücülərə əmanət edə bilmərik”.
Ekspert qeyd edib ki, 5 günlük təlimlərdən sonra imtahanlar təşkil olunacaq.
“Bu imtahanları uğurla başa vuran şəxslərə sertifikatlar təqdim olunacaq. Sertifikatı olmayan şəxslərin sürücü kimi fəaliyyət göstərməsi qadağan olunacaq. Taksi buraxılış kartının və fərqlənmə nişanının verilməsi üçün sertifikat mütləq olmalıdır. İmtahandan kəsilən şəxslər üçün amma yenidən imtahan vermək üçün şərait yaradılacaq. Onlar ikinci və üçüncü cəhd imtahanlarında sertifikat almaq üçün iştirak edə biləcəklər”.
Prezidentlər Birgə Bəyanat qəbul etdilər - FOTOLAR
Dövlət qulluğu imtahanı ilə bağlı nələr dəyişəcək? – RƏSMİ AÇIQLAMA
Güclü yağışlardan sonra sürüşmə təhlükəsi: Riskli ərazilərə kim nəzarət etməlidir? - AÇIQLAMA
2026-cı ilin 9 ayında büdcədə yaranan profisiti növbəti ilin kəsrinə yatırmaq olar? - RƏY
Magistralların kəsişdiyi nöqtə: Xırdalan dairəsində niyə tıxac yaranır? – ARAŞDIRMA
Prezident Hanoyda “İnqilab şəhidləri” abidəsini ziyarət etdi - FOTOLAR
Tıxac olan yolların SİYAHISI
İlham Əliyevin Vyetnama rəsmi səfəri ilə bağlı VİDEOÇARX - VİDEO
İndiyədək neçə avtomobil utilizasiyaya verilib? - AÇIQLAMA
İlham Əliyev Vyetnama rəsmi səfərə gedib - FOTO
Azərbaycanda 21 yeni peşə məktəbi hansı ərazilərdə tikiləcək? – AÇIQLAMA












