Cavanşir körpüsündə son vəziyyət - VİDEO

Cavanşir körpüsündə söküntü işlərinin əsas hissəsi yekunlaşıb.

İş icraçılarının verdiyi məlumata görə, ərazidə müasir infrastruktura cavab verən yol çəkiləcək. Eyni zamanda yaşıllıq  zonasının olması planlaşdırılır. Vətəndaşların təhlükəsiz hərəkət etməsi üçün bir neçə piyada zolağı da olacaq.

İş icraatçısı Vüsal Alıyevin verdiyi məlumata görə, körpü tamamilə sökülüb, materiallar kənarlaşdırılıb.

Onun sözlərinə görə, işin onlara düşən hissəsini bir ay ərzində təhvil verəcəklər.

Bildirildi ki, havalar isti keçsə də işlər sürətlə davam edir.

Avtomobil Yolları Dövlət Agentliyindən bildirildi ki, hələ ki, söküntü davam edir. İşlərin 4 ay ərzində yekunlaşması planlaşdırılır.

Daha ətraflı videomaterialda.