Çin şirkəti Azərbaycanda bütün qaydaları heçə sayır - FOTO

Paytaxtda obyekt sahibi olan şəxslərin ofis açarkən qaydaları pozduğunu müntəzəm olaraq görürük. Bu dəfə də böyük bir şirkətin piyadaların, eləcə də sürücülərin hüquqlarını görməzdən gəldiyinin şahidi olduq. Üstəlik bu şirkət “elə-belə”, “yoldan keçən” şirkət də deyil. Avtomobil satışı ilə məşğul olan iri sahibkarlıq subyekti.

Avtosfer.az xəbər verir ki, paytaxtın Səbail rayonu Badamdar qəsəbəsi, Badamdar şossesində yerləşən “BYD Motors” şirkətinin yeni istifadəyə verilən ofisinin qarşısındakı səki şirkət tərəfindən zəbt edilib.

95 min dollarlıq səhmlərə sahib, Çinin avtomobil bazarında böyük pay sahibi olan “BYD” şirkəti Azərbaycanda öz avtomobillərini satmağa başlayarkən belə nəqliyyat infrastrukturu ilə bağlı qaydaları tapdayır, səki zəbt edir, qanunsuz, ödənişli parklama ərazisi yaradır.

Bir sözlə, Çində 4 istehsal mərkəzi, dünyanın 70 ölkəsində satış ofisi olan böyük bir şirkət Azərbaycana, Bakıya növbə çatanda bütün qaydaları çeynəməkdən qətiyyən yayınmır.

Səfər Əlizadə