"Cloudflare"in işində yenidən nasazlıqlar baş verib

Xidmətlərindən bir çox internet resursunun istifadə etdiyi "Cloudflare" bulud servisinin işində texniki nasazlıqlar müşahidə olunur.

Avtosfer.az Oxu.az-a istinadən bildirir ki, bu barədə məlumat saytların işindəki pozuntuları izləyən "Downdetector"da yer alıb.

Xüsusilə, "X" sosial şəbəkəsi də "Cloudflare" servisinin xidmətlərindən istifadə edir və hazırda onun da işində fasilələrin qeydə alındığı deyilir.

İstifadəçilər ən çox serverlə əlaqənin itməsindən (58%) şikayətlənirlər, bundan başqa, saytlar (34%) və domenlərin (8%) açılmadığı bildirilir.

Xatırladaq ki, noyabrın 18-də "Cloudflare"in işində təxminən beş saat davam edən texniki nasazlıq baş vermişdi.