COVID-19 artıq nəzarətdən çıxıb

Koronavirus pandemiyası artıq nəzarətdən çıxıb. Sputnik Azərbaycan bildirir ki, bunu BMT-nin baş katibi Antoniu Quterreş deyib. “COVID-19 pandemiyası – böhrandır, həyatımızda heç bir şeyə bənzəməyən böhran. Buna görə də Baş Assambleyanın builki sessiyası əvvəlki heç birinə bənzəməyəcək”, - o əlavə edib.

Baş katib deyib ki, tezliklə bəşəriyyətdə koronavirusa görə ölənlərin sayı 1 milyonu keçəcək və pandemiyanı “qlobal təhlükəsizliyə bir nömrəli təhdid” adlandırıb.

Quterreşin sözlərinə görə, çoxları vaksinə ümid edir, amma pandemiyanın dərmanı yoxdur. O vurğulayıb ki, vaksin böhranın öhdəsindən gələ bilməyəcək. “Ancaq peyvəndə qlobal ictimai rifah kimi baxmaq lazımdır. Çünki COVID-19 sərhəd tanımır. Bizə vaksin lazımdır, qiyməti münasib və hamı üçün əlçatan olan bir peyvənd”, - baş katib deyib.