Daha bir ölkə sovet benzini ilə vidalaşır

Özbəkistanda sentyabr ayında etibarən Ai-80 markalı avtomobil benzininin istehsalı dayandırılacaq. Anbarlarda qalan ehtiyatlar isə yanvaradək satılıb quratacaq. Avtosfer.az xəbər verir ki, faktı Özbəkistanın Energetika Nazirliyi təsdiqləyib. Bildirilir ki, sentyabrdan etibarən ölkədə yalnız 92 və 92 oktanlı yanacaq istehsal ediləcək. bunun üçün Çin şirkətlıəri ilə razılıq əldə edilib.
Özbəkistanda 80 oktanlı benzinin istehsalının dayandırılması 5 ildir müzakirə olunur. Lakin hər payız mövsümündə benzin qıtlığı əsas gətirilərək istehsal müddəti uzadılırdı. Bu dəfə isə məsələ konkretləşib.
Qeyd edək ki, Ai-80 Sovet dövründə istehsal edilmiş Ai-76 benzininin Avro-2 standarlarına uyğunlaşdırılmış versiyasıdır. Hazırda bu benzin cəmi 2 ölkədə Özbəkistan və Əfqanıstanda istehsal edilir. Sözügedən benzin sovet istehsalı olan yük avtomobilləri, avtobuslar (ZİL, QAZ, PAZ, LAZ), mülki və hərbi stasionar qurğularda istifadə edilir.  Rusiyada Ai-76 və Ai-80 markalı benzinlərin istehsalı 31 dekabr 2010-cui ildə dayandırılıb. Lakin ehtiyatların tam satılması 3-4 il çəkib.

Vüqar