Dəmir yolumuz tankla dolacaq

ABŞ Azərbaycan Dəmir Yollarını, o cümlədən tikilməkdə olan Bakı-Tbilisi-Qars hərbi yüklərlə dolduracaq. Anspress-in məlumatına görə, Rusiya mənbələri bildirir ki, bu, ABŞ hərbçiləri tərəfindən işlənmiş “Qafqaz dəhlizi” layihəsi çərçivəsində gerçəkləşdiriləcək. Layihə çərçivəsində Əfqanıstandan Amerika hərbçilərinin əmlakı (hərbi texnika, silah, sursat və təchizat əşyaları) daşınacaq. “Qafqaz dəhlizi Heratdan başlayaraq Kuşkadan Türkmənistanın Marı şəhərinə qədər uzanır və oradan dəmir yolu ilə davam edir. Dəhliz Xəzərdəki Türkmənbaşı limanından bərə ilə Bakıya birləşir. Daha sonra dəmir yolu ilə Gürcüstanın Batumi limanına və Türkiyəyə qədər uzanır”, - deyə Rusiya mənbələri vurğulayır. Onların məlumatına görə, bütün marşrut boyunca yükdəyişmə yerlərində yığım stansiyaları yaradılacaq. Məlumata görə, 2014-cü ilin payızından 2016-cı ilə kimi hər ay Qafqaz dəhlizi ilə 2200 konteyner və texnika vahidi keçəcək.