Dilqəm Əsgərovdan ona verilən işgəncələr barədə AÇIQLAMA

“Tutulandan sonra çəkim 55 kiloqrama düşmüşdü. Geri qaytarılanda sinəmə, qoluma avtomatla vurdular. 15 nəfər məni baş prokurorun yanında döydü. Ayağa qalxmağa halım olmurdu”. 

Oxu.Az -ın müxbiri xəbər verir ki, bunu girovluqdan qaytarılmış Dilqəm Əsgərov deyib.

O, bu gün keçirilən mətbuat konfransında işgəncələrdən danışıb: 

“Qırmızı Xaç Komitəsi tərəfindən mənə heç bir kömək edilməyib. Amma bu haqda heç bir ölçü götürülməyib. Tək kamerada qalmağımla bağlı Qırmızı Xaç Komitəsinə də iradımı bildirmişəm.

31 dekabrda - Həmrəylik günündə mənə ömürlük həbs cəzası verilib. Yalnız Azərbaycan hökuməti qarışandan sonra Qırmızı Xaç Komitəsi vasitəsilə mənə yemək verilməyə başlandı.

6 il 5 ay Şuşa türməsində qaldım. Küçədə gəzmək əvvəl yarım saat idi, sonra bunu bir saata qədər uzatdılar. İrəvanda mənə elektrik verirdilər. Məqsədləri Azərbaycan hökumətinin əleyhinə ifadələr almaq idi. İtaliyadan, Almaniyadan jurnalistlər məndən müsahibə götürmək istəyirdilər, imtina edirdim. Deyirdim ki, ancaq Kəlbəcərdə müsahibə verə bilərəm”.