DİN 4 nəfərin öldüyü qəza ilə bağlı məlumat yayıb

Daxili İşlər Nazirliyi Şəkidə Penitensiar xidmətin 4 əməkdaşının öldüyü yol qəzası ilə bağlı rəsmi məlumat yayıb.

Avtosfer.az xəbər verir ki, Daxili İşlər Nazirliyinin (DİN) mətbuat xidmətindən trend-ə verilən məlumata görə, avqustun 27-də saat 02 radələrində Şəki rayonunun İnçə kəndində şəhər sakini Elşən Əlizadə idarə etdiyi “Saipa Tiba” markalı avtomobili aşırmış, nəticədə sürücü və sərnişinləri, həmyerliləri Asif Sədiyev, Seymur Mustafayev, Araz Abdullayev hadisə yerində ölüblər.

Faktla bağlı araşdırma aparılır.

Qeyd edək ki, yol qəzasında ölənlərin hamısı Ədliyyə Nazirliyi Penitensiar xidmətin Şəki Penitensiar müəssisəsinin əməkdaşları olub. Həmin vaxt onlar Qaxdan toy şənliyindən qayıdırmışlar.