DYP hara baxır? 4 gün əvvəl aşan avtobus hələ də yoldan götürülməyib

Xocasən-Lökbatan yolunda 4 gün əvvəl qəzaya uğramış BZSA-3742 markalı yük avtobusu hələ də hadisə yerindən götürülməyib. Lent.az-ın hadisə yerində olan müxbirinin xəbərinə görə, avtobusun qabaq asqısı qopduğu üçün qəzaya uğrayıb. Hadisədən 4 gün keçməsinə baxmayaraq qəzanın yoldakı izləri aydın seçilir. Yuxarı hissədəki lükdən görünür ki, avtobus mişar daşı daşıyırmış.

Qeyd edək ki, bu avtobuslar ötən əsrin 70-90-cı illərində Bakı avtomobil zavodunda PAZ markalı avtobusların şassisi üzərində yığılıb. “BAKAZ 3219” markalı avtobuslar isə 90-cı illərin sonunadək sərnişindaşımada istifadə edilib, bəzi xüsusi versiyaları isə Milli Orduda səyyar hospital funksiyası yerinə yetirib.