EASA: “Boeing 737 Max” Aİ-də istifadə oluna bilər

Gündəm 27 Yanvar 2021 17:15 Oxunub 1406
EASA:  “Boeing 737 Max” Aİ-də istifadə oluna bilər
WhatsApp kanalımıza abunə ola bilərsiniz

“Boeing 737 Max” təyyarəsi müvafiq təkmilləşdirmə işlərindən sonra Avropa İttifaqında (Aİ) istismara hazırdır.

“Report” xəbər verir ki, bu barədə Avropa Aviasiya Təhlükəsizliyi Agentliyi (EASA) açıqlama verib.

Təşkilatın icraçı direktoru Patrik Kay təyyarənin təhlükəsizliyinə dair ayrıca olaraq həm uçuş, həm də simulator sınaqlarını keçirdiklərini bildirib.

“Təyyarənin təhlükəsiz olduğuna dair tam arxayınıq və bu da icazə verməyimiz üçün ilkin şərtdir. Bununla belə “737 Max”ın istismara qaytarılmasından sonra da necə işlədiyini diqqətlə izləyəcəyik. Həmçinin bizim israrımızla “Boeing” də bu təyyarənin daha yüksək təhlükəsizliyinə nail olmaq üçün orta perspektivdə daha da təkmilləşdirmə işi üçün çalışacaqlarına dair öhdəlik götürüb”, – deyə EASA rəhbəri qeyd edib.

Ötən ilin noyabr ayında ABŞ Federal Aviasiya Administrasiyasının (FAA) rəhbəri Stefen Dikson “Boeing 737 Max” təyyarəsinin təhlükəsizlik məsələlərinin hərtərəfli və müfəssəl təhlilindən sonra istismara qaytarıla biləcəyi barədə sərəncam imzalayıb.

ŞƏRH YAZ
Ad

E-mail

Şərh