Ehtiyyatlı olun! Külək daha da güclənəcək

Paytaxtda müşahidə olunan güclü şimal-qərb küləyi bir neçə ağacı kökündən qoparıb. ANS-in məlumatına görə, güclü küləyin əsməsi nəticəsində Dövlət Bayrağı Meydanında dalğalanan Azərbaycan bayrağı cırılıb. Qaydaya əsasən güclü külək zamanı bayraq aşağı endirilir. Bayraq aşağı endirilsə də, onun mühafizəsi təmin edilməyib. Nəticədə güclü külək 162 metr hündürlüyü olan bayrağa ziyan verib. Hazırda hava şəraitinin belə keçməsi fəsadların artacağınadan xəbər verir. Güclü küləklə bağlı dövlət qurumlarına əvvəlcədən xəbərdarlıq edilib. Hidrometeroloqların proqnozlarına görə, paytaxtda gecədən başlayan güclü şimal küləyi axşama daha da şiddətlənəcək. Küləkli hava şəraiti sabah axşam saatlarına qədər davam edəcək. Hidrometeoroloji proqnozlar bürosunun müdir müavini Gülşad Məmmədovanın sözlərinə görə, yaxın 2-3 gün ərzində bölgələrdə hava şəraiti qeyri-sabit keçəcəyi, şimşək çaxacağı, əsasən gecə və axşam saatlarıda bəzi dağlıq və dağətəyi rayonlarında lokal xarakterli leysan yağışları yağacağı və dolu düşəcəyi ehtimal olunur.