“Ermənistanın Azərbaycanla həmsərhəd Tavuş vilayətinin Berdavan kəndində azərbaycanlılar var”. Bunu kənd icmasının rəhbəri Smbat Muqdasyan yerli mətbuata müsahibəsində deyib.

O bildirib ki, hətta Ermənistan Milli Təhlükəsizlik Xidməti də bundan xəbərdardır: "Ancaq mən təfərrüatları bilmirəm. Azərbaycanlılar gecə kənddə görünüblər, ancaq nə səbəblə, bu barədə məlumatım yoxdur".

Xatırladaq ki, bundan əvvəl oxşar bəyanatla Ermənistan parlamentinin deputatları çıxış edib. Onlar Vardenis (Basarkeçər) və Sünikdə (Zəngəzur) azərbaycanlıların normal hərəkət etdiyini bildiriblər.

Sünikdə isə hətta sərhədlərin müəyyənləşdirilməsi çərçivəsində 800 metr ehtiyat fond torpağının Azərbaycana, daha konkret Laçına qaytarıldığı bildirilib. Bu ərazi Qarabağ işğal olunduğu dövrdə Ermənsitan tərəfdən zəbt olunaraq sərhədyanı kəndin ehtiyat fonduna daxil edilimişdi.