Ermənilərə virtual zərbə; hakerlərimiz rəsmi saytları dağıtdılar - FOTO

Bu gün axşam saatlarında Azərbaycanın “Anti-armenia Team” haker qrupu qondarma “Dağlıq Qarabağ respublikası”na qarşı kiber hücum həyata keçirib. Hücum nəticəsində qondarma rejimin bir sıra nazirliklərinin rəsmi saytı sıradan çıxarılıb. Sözügedən saytlarda haker qrupu tərəfindən hazırlanmış xüsusi foto yerləşdirilib. Fotoda son günlər cəbhə xəttində şəhid olan əsgərlərimizin adları və Ermənistan prezidenti Serj Sarkisyana ünvanlanmış müraciət yer alıb:

“Ey Sarkisyan!

Bu gün erməni diversant diz çökür qəhrəmanımın, əsgərimin önündə. Az qalıb, səndə diz çökəcəksən Ali Baş Komandanımın, əsgərimin, zabitimin, Azərbaycan xalqının önündə!”.

Qeyd edək ki, sıradan çıxarılmış saytlarda Azərbaycan Respublikasının Dövlət Himni də səsləndirilib.

Xatırladaq ki, eyni qrupun hakerləri tərəfindən bir neçə gün əvvəldə ermənistan prezidentinin rəsmi saytı (president.am) başda olmaqla bir sıra dövlət saytları dağıdılmışdı.

Bütün əlavə məlumatlar “Anti-armenia Team” haker qrupunun rəsmi saytı və Facebook səhfəsində yerləşdirilib.

www.anti-armenia.org

https://www.facebook.com/antiarmenia.org