Ermənistan Bakı ilə birbaşa dəmir yolu əlaqəsinin qurulmasını gözləyir

Ermənistan İqtisadiyyat Nazirliyinin rəhbəri Gevork Papoyan bildirib ki, Yerevan bir neçə ildən sonra TRIPP vasitəsilə Azərbaycanla, o cümlədən Bakı ilə birbaşa dəmir yolu əlaqəsinin qurulacağını gözləyir. Avtosfer.az-ın məlumatına görə, "Crossmedia"ya bu barədə erməni mediasına istinadən xəbər verir

Papoyan bu barədə mətbuat konfransı zamanı danışıb. Onun sözlərinə görə, hazırda Ermənistan və Azərbaycan arasında aktiv ticarətin olmamasının bir neçə səbəbi var. Nazir qeyd edib ki, tərəflərin bazarları hələ bir-birini kifayət qədər tanımır, ticarət əlaqələrinin qurulması isə zaman tələb edir və əsasən özəl sektorla, eləcə də biznes mühiti ilə bağlı məsələdir.

Eyni zamanda Papoyan vurğulayıb ki, dövlət öz üzərinə düşən vəzifələri yerinə yetirir və bunun üçün zəruri şərait yaradır. Bu çərçivədə siyasi razılaşmaların əldə olunması, kommunikasiya xətlərinin açılması, o cümlədən dəmir yollarından istifadənin təmin edilməsi istiqamətində addımlar atılır.

Nazirin sözlərinə görə, Azərbaycanla birbaşa dəmir yolu əlaqəsi açılana qədər alternativ kommunikasiya variantlarından da istifadə oluna bilər. Papoyan bu prosesi “vaxt aparan və mürəkkəb” adlandırıb.

https://crossmedia.az/az/article/68224