Ermənistanın vandalizm aktları Almaniya ictimaiyyətini diqqətinə çatdırılıb

Milli Məclisin Sədr müavini Adil Əliyev: Mülki Azərbaycan əhalisinin Ermənistan tərəfindən öldürülməsinin davam etməsi barədə məqaləsi Almaniya mətbuatında işıq üzü görüb.

Milli Məclisin Mətbuat və ictimaiyyətlə əlaqələr şöbəsindən Avtosfer.az-a verilən məlumata görə, Adil Əliyev Ermənistanın xüsusilə axşam saatlarında mülki əhalinin yaşadıqları evləri hədəfə almasını, cəbhə xətti ilə heç bir əlaqəsi olmayan və cəbhə xəttindən azı 60 km uzaqda yerləşən Gəncə şəhərinin Ermənistan tərəfindən vurulması, nəticədə mülki şəxslərin ölməsi və ağır yaralanmasını bildirib. Habelə, Gəncə şəhərinə qarşı hücumla yanaşı Mingəçevir şəhərində baş vermiş hücuma da diqqət çəkən Adil Əliyev, Ermənistanın regionda təcavüzkar siyasəti həyata keçirməsini, sülhə qarşı ən böyük maneə olmasını bildirib.

Ermənistan tərəfinin hazırkı hakimiyyətinin əsas hədəfinin ölkəmizdə yaşayan, döyüş əməliyyatlarında iştirak etməyən və cəbhə xəttindən bəzən 100lərlə kilometr uzaqda yerləşən mülki əhalinin öldürülməsinin bütün növ beynəlxalq hüquq normalarının pozulması faktı olmasını bir daha Almaniya ictiamaiyyətinin diqqətinə çatdırıb.

Habelə, məqalədə Ermənistanın mülki Azərbaycan əhalisinə qarşı həyata keçirdiyi müharibə cinayətlərinin hazırki deyil, uzun müddətdir davam edən təcavüzkar siyasətinin davamı olmasını bildirmiş və daha əvvəllərdə mülki əhalinin Ermənistan tərəfindən öldürülməsinə diqqət çəkib.

Ermənistanın apardığı təcavüzkar siyasətin dayandırılmasını, 1949-cu il tarixli Çenevrə Konvensiyası da daxil olmaqla bütün növ humanitar hüququn prinsiplərinin Ermənistan tərəfindən pozulmasına diqqət çəkərək, Ermənistanın Birləşmiş Millətlər Təşkilatının qəbul edilmiş 4 qətnaməsinin heç birinin bu vaxta qədər icra etmədiyini bildirmişdir. Ermənistan tərəfindən aparılan dağıdıcı, təcavüzkar siyasətə beynəlxalq ictimaiyyətində ədalətli qərar qəbul etməsinin lazımlığını bir daha bildirib.

Yazıda Ermənistan tərəfinin bu ilin iyul ayından başlayan müntəzəm təxribatı zamanı 76 yaşlı mülki şəxsin, habelə bu ilin 27 sentyabr tarixindən başlayan növbəti təxribat zamanı isə bir ailənin həlak olduğu, onların arasında 7-ci və 9-cu sinifdə təhsil alan iki məktəblinin də olduğu qeyd edilir. Ermənistan hakimiyyətin təcavüzkar siyasətini alman mediasına çatdıran Adil Əliyevin məqaləsində dəfələrlə Azərbaycan tərəfinin Ermənistanın təcavüzkar siyasətini dayandırmasını və işğal altında olan torpaqlardan çəkilməsini tələb etməsinə baxmayaraq, düşmən tərəfin öz təcavüzkar siyasətindən çəkinmədiyi vurğulanır.

Bildirilir ki, bütün bunların əksinə olaraq Ermənistan tərəfi daha kütləvi şəkildə silahlanmağa başlamış, başqa ölkələrdən insanları Dağlıq Qarabağa köçürmüş və mütəmadi olaraq təxribata əl atıb. Ermənistan tərəfinin həyata keçirdiyi siyasətin Cenevrə Konvensiyasının tələblərinə zidd olduğu, BMT-nin Azərbaycanın ərazi bütövlüyünü təsdiq edən, ölkəmizə məxsus ərazilərin qeyd-şərtsiz boşaldılmasını tələb edən qətnamələrinə baxmayaraq, həmin qətnamələrin bu vaxta qədər icra edilmədiyi, Ermənistan tərəfinin beynəlxalq hüququn bütün prinsiplərini kobud şəkildə pozduğu ictimaiyyətin diqqətinə çatdırılır.