Ermənistanla sərhəddə divar: Tikinti başa çatdı

Ermənistanın Tavuş rayonunun Kirants kəndində Ermənistan-Azərbaycan sərhədi boyunca daş divarın tikintisi bir neçə gün əvvəl başa çatıb.

Yenisabah.az Armenian News-a istinadla xəbər verir ki, divarın uzunluğu 150 metr, hündürlüyü isə 3 metrdir.

Bunu Açarkut sakini Karen Qazaryan deyib:

“Divar keçmiş kommunal yolun sonundan yeni yolun başlanğıcına qədər uzanır. Artıq divarın o biri tərəfində Azərbaycan dayaq məntəqələri yerləşdirilib. Kəndin istənilən yerindən Azərbaycan sərhədçilərinin hərəkəti görünür.  Paşinyan sonuncu səfəri zamanı sakinlərə məktəb üçün yeni bina tikməyi təklif etsə də, hələlik heç nə məlum deyil. Kənddə iş başlanmayıb. Açarkut-Kirants alternativ yolu boyunca tikilən divar hələ tamamlanmayıb”.