XİN: Fərman İsmayılovun nəşi Baş Prokurorluğa təhvil veriləcək - YENİLƏNİB - VİDEO

Gündəm 27 Yanvar 2021 12:49 Oxunub 808
XİN:  Fərman İsmayılovun nəşi Baş Prokurorluğa təhvil veriləcək  - YENİLƏNİB - VİDEO
WhatsApp kanalımıza abunə ola bilərsiniz

“Nigeriya sahillərində dəniz quldurlarının hücumu nəticəsində həlak olan azərbaycanlı mühəndis Fərman İsmayılovun nəşi ilkin olaraq Baş Prokurorluğa təhvil veriləcək”.

Avtosfer.az xəbər verir ki, bunu jurnalistlərə açıqlamasında Xarici İşlər Nazirliyinin Mətbuat xidməti idarəsinin rəisi Leyla Abdullayeva deyib.

“Baş vermiş hadisə ilə bağlı Azərbaycan Xarici İşlər Nazirliyi Baş Prokurorluğa müraciət etmişdi. Fərman İsmayılovun nəşi Baş Prokurorluğa təhvil veriləcək. İlkin olaraq meyitə məhkəmə-tibb eksperti tərəfindən baxış keçiriləcək. Ondan sonra mərhumun nəşi ailəsinə təhvil veriləcək”, - XİN rəsmisi bildirib.

Qeyd edək ki, F.İsmayılovun nəşi bu gün Vətənə gətirilib. O, Siyəzən rayonu, Qozağacı kənd qəbiristanlığında torpağa tapşırılacaq.

12:04

Piratlar tərəfindən öldürülən Azərbaycan vətəndaşı Fərman İsmayılovun nəşi Bakıya gətirilib. 

F.İsmayılovun nəşinin olduğu təyyarə Heydər Əliyev Beynəlxalq Aeroprtuna eniş edib.

Onun doğulduğu Siyəzən rayonunda dəfn ediləcəyi gözlənilir.

 

ŞƏRH YAZ
Ad

E-mail

Şərh