Fransa səfirliyi qarşısında aksiya keçirilir - VİDEO - YENİLƏNİB

Aksiya iştirakçıları səfirlik qarşısında ingilis və fransız dillərində hazırlanmış plakatlar nümayiş etdirərək, “Qarabağ Azərbaycandır”, “Fransa ədalətli ol” “Beynəlxalq hüquqa hörmət elə”, “Fransa ATƏT-dən rədd ol!” kimi şüarlar nümayiş etdiriblər.

Aksiyaçılarının bəyanatında bildirilib ki, Fransa Senatının qəbul etdiyi qətnamədə əks olunmuş müddəalar noyabrın 9-da Azərbaycan və Ermənistan arasında əldə edilmiş razılaşmaya kölgə salır: “Ermənistan tərəfindən Azərbaycana qarşı törədilmiş çoxsaylı beynəlxalq cinayətlərə göz yuman, dinc azərbaycanlılara qarşı dəfələrlə həyata keçirilmiş terror və vandalizm riyakarlığın və ikiüzlülüyünü bütün dünyada nümayiş etdirdi.

Bu qətnamə əldə edilmiş sülhü təhlükə altına atır. Biz bu qətnaməni pisləyir və ləğv edilməsini tələb edirik. Senatın bədnam qətnaməsi ləğv olunana qədər isə Fransa ilə bütün əlaqələrin dayandırılmasını tələb edirik. Senatın qəbul etdiyi qətnamə BMT Təhlükəsizlik Şurasının daimi üzvü və ATƏT-in Minsk qrupunun həmsədri olan Fransa adına böyük rüsvayçılıq və qara ləkədir. Fransa ATƏT-in Minsk qrupunun həmsədrlik mandatından və vasitəçilik missiyasından imtina etsin”.

........

Fransanın Azərbaycandakı səfirliyi qarşısında aksiya keçirilir.

Avtosfer.az-ın əldə etdiyi məlumata görə, aksiyada iştirak edənlər Fransa Senatının qondarma “Dağlıq Qarabağ respublikası”nın tanınması haqqında qəbul etdiyi qətnamənin qəbul edilməsinə etirazlarını bildiriblər.