Gədəbəyin kənd sakinləri haray qopardı: “Yolumuz, işığımız, qazımız yoxdur” - VİDEO

Gədəbəy rayonu Dəyəqarabulaq kəndinin əhalisi uzun illərdir acınacaqlı vəziyyətdə yaşayır.
Sakinlərdən biri bu barədə Avtosfer.az-a videomaterial göndərib. Görüntüdən aydın olduğu kimi, kəndin daşlı-qayalı, palçıqlı yolu həm vətəndaşların, həm də nəqliyyat vasitələrinin hərəkətini məhdudlaşdırır. Şikayətçinin sözlərinə görə, xüsusilə əlverişsiz hava şəraitində yollardan istifadə mümkünsüz hala gəlir. Hətta sakinlər kəndin daş-kəsəkli yolunda ilişib qalan avtomobillərin hərəkətini bərpa etmək üçün kəndirdən istifadə edirlər. Yağışlı havada yolla gedən vətəndaşların çıxış yolu isə uzunboğaz çəkmələrdir.
Təəssüf ki, kəndin problemi bununla da bitmir. Sakin, üç kəndin birləşdiyi ərazidə işıq və qaz probleminin mövcud olduğunu bildirib. Belə ki, kənd əhalisi illərdir bu problemdən əziyyət çəkir. Lakin saysız müraciətlərə baxmayaraq kənddə işığın, qazın olmaması hələ də həllini tapmayan məsələ olaraq qalır. Məhz bu səbəblərdən kənd sakinlərinin əksəriyyəti öz doğma yurdlarını tərk edərək Bakı, Gəncə, Şəmkir və digər bölgələrdə məskunlaşmağa məcbur olublar. Kənddə qalan vətəndaşlar isə bu problemlərlə mübarizə aparmağa davam edirlər.
Üzərimizə düşən vəzifəni yerinə yetirərək aktual olan məsələni işıqlandırdıq. Ümid edirik ki, inkişaf etmiş ölkəmizdə keçən əsri xatırladan kəndin bitib-tükənməyən problemi qısa zamanda aradan qaldırılacaq.
Nərmin
Dövlət qulluğu imtahanı ilə bağlı nələr dəyişəcək? – RƏSMİ AÇIQLAMA
Güclü yağışlardan sonra sürüşmə təhlükəsi: Riskli ərazilərə kim nəzarət etməlidir? - AÇIQLAMA
2026-cı ilin 9 ayında büdcədə yaranan profisiti növbəti ilin kəsrinə yatırmaq olar? - RƏY
Magistralların kəsişdiyi nöqtə: Xırdalan dairəsində niyə tıxac yaranır? – ARAŞDIRMA
Prezident Hanoyda “İnqilab şəhidləri” abidəsini ziyarət etdi - FOTOLAR
Tıxac olan yolların SİYAHISI
İlham Əliyevin Vyetnama rəsmi səfəri ilə bağlı VİDEOÇARX - VİDEO
İndiyədək neçə avtomobil utilizasiyaya verilib? - AÇIQLAMA
İlham Əliyev Vyetnama rəsmi səfərə gedib - FOTO
Azərbaycanda 21 yeni peşə məktəbi hansı ərazilərdə tikiləcək? – AÇIQLAMA
Bakıda avtobuslar üçün yeni svetofor sistemi: Nə dəyişəcək? – AÇIQLAMA












