Həftə sonu 2000-ci ildən bu yana ən isti temperatur olacaq

Onlayn mediada yayılan şəkil sosial şəbəkələrdə geniş müzakirəyə səbəb olub. Paytaxtdakı dayanacaqlarda 51 dərəcəni göstərən temperatur insanlarda təşviş yaradıb. Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosundan bu günlərdə istilərin kəskin artacağı ilə bağlı məlumat verilsə də bu temperaturun 40 dərəcəni keçməyəcəyi vurğulanırdı. Nazirliyin baş hidroloqu Asif Verdiyev müzakirələrə səbəb olan görüntü ilə bağlı açıqlamasında, dayanacaq termometrlərinin düzgün işləmədiyini, daha doğrusu bir başa günəş şüası altında yerləşən termometrin nəinki 51, hətta 60 göstərə biləcəyini deyir. Gündəlik hidrometeoloji proqnoz isə kölgədə quraşdırılmış termometrlərə əsasən açıqlanır. Baş hidroloqun sözlərinə görə, həftə sonunda 2000-ci ildən bu yana ən isti temperatur olacaq.

Emin