Həftə sonunu gözləyənlərə BƏD XƏBƏR: güclü külək əsəcək

Ekologiya və Təbii Sərvətlər Nazirliyinin Milli Hidrometeorologiya Departamenti həftə sonuna olan hava proqnozunu açıqlayıb. İyulun 26-sı və 27-də havanın temperatur 3-5 dərəcə düşəcək. İyulun 26-da Bakı və Abşeron yarımadasında havanın dəyişkən buludlu olacağı, arabir tutulacağı gözlənilir. Şimal-qərb küləyi əsəcək, arabir güclənəcək. Havanın temperaturu gecə 22-27, gündüz 34-37 dərəcə isti olacaq. Azərbaycanın rayonlarında sabah əsasən yağmursuz hava şəraiti gözlənilir. Qərb küləyi əsəcək, arabir güclənəcək. Havanın temperaturu gecə 20-25, gündüz 33-38, dağlarda gecə 12-17, gündüz 23-28 dərəcə isti olacaq.

Fərid