Heydər Əliyev prospektində zəncirvari qəza baş verib - VİDEO

Paytaxtın Nərimanov rayonu, Heydər Əliyev prospektində 3 avtomobilin iştirakı ilə zəncirvari yol nəqliyyat hadisəsi baş verib. ANS-in məlumatına görə, “Mercedes” markalı avtomaşının sürücüsünün dediyinə görə, onun qarşısına qəfildən piyada çıxıb, elə bu an arxadan gələn “Mazda” markalı avtomaşın ona çırpılıb. Növbəti “Opel” markalı avtomaşın isə idarəetməni itirərək öz növbəsində “Mazda”ya dəyib. Avtoqəza nəticəsində xəsarət alan yoxdur. Hər iki avtomobilə ciddi ziyan dəyib. Hadisə nəticəsində prospektdə qısamüddətli tixac yaranıb. Baş vermiş hadisədə hansı sürücünün günahkar olub-olmaması Baş Dövlət Yol Polidi İdarəsi əməkdaşları tərəfindən aparılan araşdırma nəticəsində məlum olacaq. Faktla bağlı başlanan araşdırma davam edir.