Heydər Əliyev Ramiz Mehdiyevi niyə danlamışdı? - Şəxsi fotoqrafı AÇIQLADI

"1996, ya da 97-ci il idi. Prezident Aparatında struktur islahatları aparılanda vəzifəmi dəyişdirdilər. Dəyişiklikdən sonra maaşımda azalma oldu”.

Ukrayna dairəsində qayda pozan sürücü “Mercedes”i vurdu - VİDEO

Avtosfer.az xəbər verir ki, bunu uzun illər Heydər Əliyevin şəxsi fotoqrafı kimi çalışmış Rafiq Bağırov “Yeni Sabah”a müsahibəsində Ümummilli liderlə bağlı xatirələrini bölüşərkən deyib.

“Ulu Öndər mənə demişdi ki, nə problemin olsa, yaxınlaşıb mənə deyərsən. Mən də bundan sonra yaxınlaşıb dedim ki, cənab Prezident, vəzifəmi dəyişdirib maaşımı aşağı salıblar. Soruşdu ki, kim edib? Dedim, Ramiz Mehdiyev əmr verib”.

Rafiq Bağırovun sözlərinə görə, Heydər Əliyev Ramiz Mehdiyevi danlayıb:

“Telefonu götürüb Ramiz Mehdiyevə “sənin Rafiqlə nə işin var? Nə üçün maaşını aşağı salmısan? O mənimlə işləyir, onunla işin olmasın”, - deyib telefonu yerinə qoydu. Çıxanda köməkçisi Tariyel Ağayev dedi ki, Ramiz Mehdiyev səni çağırır. Gəldim Ramiz Mehdiyevin otağına. Məni çox hirsli qəbul elədi. Dedi, sən niyə gedib məndən Prezidentə şikayət eləmisən? Şikayətin varsa, özümə deyərdin. Dedim, siz artıq əmri vermisiniz, sizin yanınıza gəlib nə deyim? Əmrimi dəyişdirdi, amma bir-iki dəfə mənə əngəl yaratmağa çalışdı. Ramiz Mehdiyevin ən pis xüsusiyyətlərindən biri kiminləsə münaqişəsi oldusa, ömrünün axırına kimi bunu unutmaması, kinli olmasıydı. Nə etsən də, kini qalırdı. Bu hadisəyə görə sonuna qədər mənə qarşı kin tutdu”.

Qeyd edək ki, akademik Ramiz Mehdiyev 7 fevral 1995-ci ildən – 23 oktyabr 2019-cu ilədək Prezident Administrasiyasının rəhbəri olub.