İçib yola çıxdı, maşın vurdu

Şirvanda avtomobil sərxoş vəziyyətdə olan piyadanı vurub. Avtosfer.az-ın APA-ya istinadən məlumatına görə, hadisə Şirvan şəhərinin «Köhnə şəhər» massivində qeydə alınıb. Şirvan sakini, 1981-ci il təvəllüdlü Səfərov Əliyusif Mehman oğlu idarə etdiyi VAZ 2107 markalı 90 KS 197 dövlət nömrə nişanlı avtomobillə hərəkətdə olarkən yola sərxoş vəziyyətdə çıxan Sabirabad rayonu Şıxsalahlı kənd sakini, 1969-cu il təvəllüdlü Əkbərov Razi Əlisahib oğlunu vurub. Sonuncu ağır kəllə-beyin travması alaraq Şirvan şəhər xəstəxanasının reanimasiya şöbəsinə yerləşdirilib. Faktla bağlı Şirvan polis şöbəsində araşdırma aparılır.