İcra başçısı 700 bal toplayan qıza maşın verdi - FOTO-VİDEO

Azərbaycanda icra başçısı 700 bal toplayan tələbəyə maşın hədiyyə edib. Avtosfer.az xəbər verir ki, bu barədə məlumat sosial şəbəkələrdə paylaşılıb. Məlumatda bildirilir ki, Zaqatala icra başçısı Mübariz Əhmədzadə rayon tarixində ilk dəfə ali məktəbə keçirilən imtahanlarda 700 bal toplayan Asya Mahmudovaya avtomobil hədiyyə edib.

Zaqatala İcra hakimiyyətindən "Qafqazinfo"ya verilən məlumata görə, icra baçısı bir neçə il əvvəl rayonu təmsil edən abituriyentlərə söz verib ki, kim 700 bal toplasa ona maşın hədiyyə olunacaq: "Bu gün həmin maşın 700 bal toplayan Asya Mahmudovaya təqdim olundu".

Qeyd edək ki, Mahmudova Asya İdris qızı Azərbaycan Tibb Universitetinin Müalicə işi ixtisasına qəbul olub.