İmişlidə ölümlə nəticələnən yol qəzası olub - VİDEO

İmişlidə ölümlə nəticələnən yol qəzası baş verib. ANS-in məlumatına görə, İmişli-Qaravəllli avtomobil yolunun, Qaralar kəndi ərazisindən keçən hissəsində baş verən qəzada sürücü maşınını dairəyə çırpıb. Rayonu Məmmədli kənd sakini Bayramov Hikmətin idarə etdiyi “VAZ 21 06” markalı avtomaşınla hərəkətdə olarkən, sükana nəzarəti itirib. İdarəetmədən çıxan “VAZ 21 06” dörd yol ayrıcında olan dairəvi beton maneəyə çırpılıb. Qəza zamanı avtomobildə olan sərnişin Şahmar İsmayılov aldığı bədən xəsarətlərindən hadisə yerində dünyasını dəyişib. Sürücü və avtomobildə olan digər sərnişinlər Hüseynov Ramin və Qəmbərov Orxan müxtəlif dərəcəli bədən xəsarətləri rayon mərkəzi xəstəxanasına yerləşdirilib.

Faktla bağlı İmişli Rayon Polis Şöbəsində araşdırma aparılır. Qəzaya səbəb kimi yüksək sürət göstərilir.